АУЫЛЫМДЫҢ ШӘП ЕГЕТТӘРЕ

АУЫЛЫМДЫҢ ШӘП ЕГЕТТӘРЕ тигән рубрика асабыҙ.

Донья тотҡаһы ҡатын - ҡыҙ тиһәләр ҙә , Ҡатын ҡыҙҙың бәхете ир егет ҡулында. Ныҡлы, матур ғаилә ҡороу өсөн , ир егеттең егәрле ,ышаныслы ,таяныс булыуы мөһим. Юлдыбайҙа башҡаларға өлгө булырҙай , һоҡланғыс ир егеттәр күп.Шуларҙың береһе Хамматов Рәсүл Әмир улы. Ул Бөрйән районы Мәһәҙей ауылы һылыуы Луиза Камил ҡыҙы менән донья ҡороп , матур ғына йәшәп ята.
Пилорама ултыртып таҡта бысып ,утын ,бура бурап һатып көн күрә ул.Кәртә тултырып мал, ҡош ҡорт, аттар үрсетәләр.Өй төҙөп яталар. Нисәмә кешегә эш урыны булдырған ул.Эш хаҡын ваҡытында түләп ,кәрәк саҡта ярҙамын да күргәс егеттәр уға эшкә теләп баралар.
Луиза алсаҡ ,кешегә ярҙамсыл килен.Өйөндә уңған хужабикә ,эшендә ихтирам яулаған белгес. Әлеге мәлдә ул декрет ялында бәләкәс Ғәзинурҙы тәрбиәләп өйҙә ултыра.
Бөгөнгө эшһеҙлек , эскелек ,ялҡаулыҡ сәскә атҡан заманда ошондай матур ,тырыш ғаиләләрҙең булыуы күңелгә ҡыуаныс бирә.
  Ауылымдың шәп егеттәренең береһе булған Рәсүлгә һәм уның ғаиләһенә оҙон ғүмер , һаулыҡ ,эшенең гөрләп сәскә атыуын теләйек.