Беҙҙең баласаҡ

    
    Яланаяҡ һәм ялбыр башлы ике ҡыҙсыҡ етәкләшеп Ҡарагөрән йылғаһы буйына төштө.
Сылтырап ҡына ағып ятҡан таҙа һыулы йылға ул Ҡарагөрән.Ошо ике ҡыҙ көн һайын йылға буйында ҡойоға батып, әҙәм ҡарағыһыҙ булып уйнайҙар.Уларҙы тыйған һәм әрләгән кеше лә юҡ.Матур ғына,татыу ғына балсыҡтан төрлө тәмлекәстәр әүәләп,төрлө таштарҙан һый ниғмәттәр әҙерләп уйнап ултырыусы ике ялбырбаштың да тирә йүндәге доньяла һис бер ғәме юҡ.Оҙон сәстәре ойошоп ҡатҡан,бит ҡулдар балсыҡҡа буялған,өҫтәрендәге күлдәктең ниндәй биҙәкле икәнен дә белеп булмай.
Эҫе ҡояш нурҙары аҫтында , сөптөр сөптөр һыуҙы кисеп баштан аяҡ үҙ уйындарына сумған икәүҙе иҫләгән кеше лә юҡ ахры.Оҙон көн буйына уйнап арығас ,ниһәйәт ҡайтыу яғына ыңғайланы ике ялбырбаш.Уларҙы хатта әрләүсе лә булмағандыр.Икеһенең дә әсәйҙәре киске һауынға киткән.Ҡәртәсәйҙәр бәлки,әҙ мәҙ әрләгән булғандыр инде,сусҡа рәүешенә ингән ҡыҙ остоҡтарын.Арлы бирле тамаҡ туйҙырғандан һуң, тәмле төштәр күрә күрә әүен баҙарына юл алдылар улар.
Йәйҙең матур таңы атты.Ҡояш нурҙары сикәләрҙе һыйпап иркәләй башлау менән,икеһе лә ырғып торасаҡ.Һәм сәй эсеүҙе лә иҫкә төшөрмәйенсә тағы Ҡарагөрән буйына атлығасаҡтар.Унда уларҙы ҡорған өйҙәре һәм төрлө тәмлекәстәре көтә.Тағы көн оҙоно уйынға әүрәйәсәк ике ялбырбаш.Уларҙы бер кем дә эҙләмәйәсәк һәм әрләмәйәсәк.
Ҡайғы хәсрәтһеҙ һәм моңһоҙ ,уйһыҙ һәм кеше ғүмеренең иң бәхетле сағы,беҙҙең баласаҡ.
Ҡарагөрән һәм Уза буйында үткән ғәмһеҙ баласаҡ иленә ҡайтып килде Миңзифа.Ике ялбырбаштың береһе мин икенсеһе Гөлбаныу.
Мөмкин булһа ине ысынлап та,шул мәлдәргә ҡайтып әйләнеү.

Миңзифа Ҡашҡарова